Chleba Ronda z Marmeladóm 23.-27.1.2008

Wyjechoł żech z dómu 22.1.08 kolem 15tej, cesta była super, uciekało to. Do Gardeny żech dojechoł kolem 22:30, naszoł parking, wycióngnył spacak, nagotowoł budzik na 6:30 a szoł spać.

Dziyń piyrszy
Selva Gardena (1563 m) – Paso Gardena (2137 m) -  Corvara (1568 m) – Paso Campolongo (1875 m) – Rif. de Roces (2160 m) – Arabba (1602 m) – mezistanica lanowki z Arabby na Porta Vescovo (cca 2050 m )
Przewyszyni: 1614 m
Rano żech stanył podle budzika, dopakowoł reszte rzeczy do ruksaka, ziscił że nima wubec lechki a wyszoł. Szoł żech miyndzy tymi pensjinatami kaj my mieli łóni zawody a malem moja wycieczka skóńczyła warciejszy niż zaczła, chciało se mi strasznie na wielków a..... niebyło kaj, wszyndzi chałupy hotele – wszystko eszcze pozawiyrane, werzejne hajźle żech nie naszoł. Zacisnył żech półki a ficzoł smier sjezdówka a zarysy jakigosi lasa. Jeśli mnie gdosi widzioł, tak se myśloł, ze tu trenuje jakisi borec na skialpinisticki zawody. Do lasa żech wlecioł jak jakosi stripterka na skijach a.... no nie bydym opowiadac... laaahooodaaa. Było eszce skoro ćma, był żech w tak połowiena Paso Gardena jak zaczło switać. Na przełynczy żech był cosi przed dziewióntóm, prawie zaczli jeździć lanowki. Na wrchu ku mnie prziszli carabinierzi, ze na tych skialpach nie śmiym po sjezdowce a jo tuszył, ze to moze być problem do budoucna. A nie mylił żech se. Ale  o tym aż nieskorzi. Zjazd do Corvary był po panenskim manszestru. Po tym uż wszystko szło jak po maśle, była piekno pogoda, jo był nacieszóny na wykon, tak to uciekało. Ani żech se nienazdoł a był żech w Arabbie. Było 13:30, pierwotnie żech mioł w planie w Arabbie zustać na noc, ale jak była tako super godzina, zdecydowoł żech se , że eszcze dojdym na mezistanice lanowki na Porto Vescovo, z kond bych jutro mioł wyjść pod Marmolade. Na mezistanicy żech był cosi przed 16tóm. Mioł żech szczynści, borcy z lanowki mi zaproponowali taki kumbał, tak żech mioł w nocy cieplutko.

Dziyń drugi
mezistanica lanowki z Arabby na Porta Vescovo (cca 2050 m ) – Paso Padon (2370 m) – Paso Fedaja (2057 m) – Malga Ciapella (1446 m) – Punta Rocca (3250 m) – Paso Fedaia (2057m) – Passo Padon (2370m) – mezistanica lanowki z Arabby na Porta Vescovo (cca 2050 m ) – Porta Vescovo (2478m) – Pont de Vauz (1851m) – Rifugio Lezuo (2180m)
Przewyszyni: 3200 m z tego 1810 lanowkom

Wczora żech usnył ledwo żech wlóz do spacaku, tak kolem 17tej. A społ żech aż do rana Wyszoł żech o 7mej, ścignył żech piekny wschód słońca . Na paso Padon żech był tak kolem  8:30, chwile żech powegecił przi wrchni stanicy lanowki, pokecoł rynkami a nogami z lanowkarzym a sjechoł zaś po nieruszónym manczestrze na Paso Fedaia. W gospodzie żech se niechoł ruksak, że pujdym na tóm Marmolade na lehko. Inómże wszyndzi kolem sjezdowki były znaki – Zakaz wjezdu skialpinistóm. Tak żech se wrócił do gospody a baba mi potwierdziła, ze to policajci wachujóm a pokutujóm. Tak żech rozmyśloł co zrobic.... Nakóniec żech se zdecydowoł, ze sjadym na dół na Malga Ciapella, na spodniom stanice tej nowej wielki kabiny a na wrch żech se niechoł wywiyść. Zjazd na dół był super a ichoć żech jechoł jednom z piyrszych lanowek na wrch, ludzi było tela, że szlapać sjezdowkóm kolem tych nikierych sebewrahów by było na pytel. Zaszoł żech do gospody po ruksak a zacznył szłapac spatki na Paso Padon. Kolem sjezdowek też były ty zakazy, tak żech szoł ganc bokym. Sice żech musioł przeszłapować stope tak w 30 cm nowego śniega, ale zaś żech mioł klid... Wgospodzie pod pasym, zech doł piwko a sjechoł na dół ku mezistanicy, z kierej żech rano wychodzoł. Potym wyszlap do Porto Vescovo a zjazd do Pont de Vauz. Tam żech uż tego mioł tak troche pełne zymby, ale świyciło słóneczko, godzina była też dobro, tak żech se rzeknył, że pujdym pomalutku tam kaj to pujdzie. Doszoł żech skoro na Paso Pordoi a ubytowoł se w taki chacie. Nie chapoł żech to, chata była na sjezdowce z perfeknim dojazdym po ceście, pełny sezon a jo tam był sóm.... Cena 30 euro ze śniodanim też super. Nie wiym, można, że im turnus nie przijechoł.  Po dwóch nocach we spacaku a dwóch dniach pocynio a szłapanio była ciepło sprcha jak balzam. Przelepił żech flostry na odciskach a usnył jak miminko ani żech nie pomyśloł o piwku... dziwne....

Dziyń trzeci

Rif. Lezuo (2180m) – Passo Pordoi (2239m) – Pian Frataces (1715m) – Paso Sella (2244m) – Plan del Gralba (1800m) – Selva Wolkenstain (1563m)
Przewyszyni: 688 m

Wyspoł żech se superowo, śniodanko też super. Wyszoł żech kolem 8:15, wiedzioł żech , że se nimóm kaj śpichać, że to uż nima daleko. Akórat pogoda se zepsuła, były niski chmury. Jak żech sjechoł na Pian Frataces, tak żech zjiścił, ze wszyndzi sóm ty zakazy wstupu skialpinistóm. Tak żech tam postowoł, nie wiedzioł co zrobić. Nakóniec żech se wszymnył turystycznego znaku na Sella Ronde a jak szoł kolem borec ze psym a snieżnicami, tak żech se go spytoł jeśli nie wiy jak na tó Selle dónść. Se ukozało, ze tam akórat idzie a że jak chcym, tak mogym iść z nim. Borec pochodził prawie ztych okolic, znoł to tam wszystko jak my Beskidy. Teraz miyszko w Bologni, ale wykorzystuje kazdóm wolnóm chwile, aby przijechać pobyć prawie w tych okolicach. Nakóniec my nie szli po znaczce ale po jakisi starej ceście, kieróm znali inóm mistni. Ale było to super. Na Selli żech objednoł grappy ón piwka, otoczyli my to 2x a żech go mioł troche. Potym uż inóm zjazd na Plan del Gralba a tam z tela do Selvy. Doł piwko a pogratulowoł se sóm siebie. :)

Dziyń czworty

Ortisei (1236m) – Monte Piz (2109m)
Przewyszyni: 873m
Myśloł żech se, że pujdym na Seccede, ale jak żech przijechoł pod lanowke, tak zaś wszysndzi były te znaki. Borec od parkowanio mi poradził aż jadym na drugó stróne, ze tam se do iść na skialpach. Przi spodni stanicy żech potkoł borca zeskialpami a domówił żech se znim, że pujdym z nimi. Poczkali my eszcze na jego koczke a szli. Szło se takó leśnóm cestóm, fajne to było . Doszli my na wrch, wyszli z lasa a otewrził se nóm widok, na takóm obrowskóm planine. Wypadało to super. Po całej tej planinie były zrobióne trasy na bieżki. Bomba. Powegecił żech, doł jakisi piwka. Taki wegecik. Zjazd na dół był podobny jak z Łysej po ceście.

No.... tak to móm za sebóm. Przeszoł żech całóm Sella Ronde, nastoupoł żech skoro 5000 m. Jedyn plan se spełnił. Mioł żech to naplanowane nadłóży, ale nie wiedzioł żech do czego idym. Sere mnie troche ta Marmelada, ale co se do robić. Też bych se asi zebroł ze sebóm miyni wiecy, tyn plecak był ciynżki.. Ale inaczy super. Pogoda dopisała, fotki porobione, tak nic niż inszego niż do widzynia w marcu, kiedy tu przijadymy z rodzinkóm a partyjom. Tym razym se bydym wozic jak kazdy inszy sprawny narciarz - lanowkami.

Web © 2004 -2024 MM Sound & Global Net