Bormio a Aprica 1.-2.2.2008

Ponieważ w niedziele 3.2. my mieli spotkani z dystrybutorami w Veronie, wyjechoł żech z firmy uż w pióntek rano, że se stawiym w Bormiu na skialpy. Cesta była dłógo, tych 180 km żech jechoł trzi a pół godziny. Dojechoł żech do Bormio 2000 a z tamtónd żech wyszłapoł na Cima Bianca. Pogoda była szkaredo, fukoł wiater a było generalnie zima. Także widoki nic moc. Zjechoł żech na dół, doł kawke w tej gospodzie, kaj my siodywali jak my tu byli z rodzinkóm a partyjom, nazywali my to u Milki (podle tej fialowej krowy co tam majóm). Wieczór żech zaszoł na winko do Bormia.
Rano żech se obudził pomiernie wczas, na polu było tak 30 cm nowego śniega. A zdecydowoł żech se, ze nie pojadym aż na Paso Tonale, tak jak żech mioł naplanowane, ale inom na paso Aprica. Obuł żech skialpy a wyszoł na Piana Galbi (1972m). Zjazd był superowy, bo tam mieli nieudrżowane sjezdowki a było półmetra praszanu.

Web © 2004 -2024 MM Sound & Global Net