Maria Alm 15.8. - 21.8.2007
Maria Alm uż zaczyno być klasyka w partyji, poprostu w sierpniu jeżdżymy do Maria Alm na tenisowy camp do pensjonu Tyrol kiery patrzi Pavlovi, takimu fajnymu synkowi z Przerowa.  Jo se w tym roku zebroł koła, aji silniczni aji horaka.
Hned jak my przijechali – było tak 5 odpołednia, tak żech se przewlyk a zajechoł żech se podziwac ku jezioru Zell am See. Była to tako fajno 40 km wycieczka.

Drugi dziyn my szli zagrac golfa a tyn trzeci żech se rozhodnył, ze zajadym na Edelweisspitze (2571 m). Jechoł żech na silniczaku a był o docela maras. Serpetyny, przewyszyni 1800 m. Prawie na tej trasie żech se rozodnył, ze jak se wrócym do dómu, tak zóndym za Pawlym Mikuszym a niechóm se wzadku wymiynic sedmikoleczko na cosi lechciejszego. No nic, makoł żecha podziwioł okolice. Mówili mi w penzionu, że to je nejwyższe miejsce kaj se do zajechać po ceście.

Dalszy dziyń żech zajechoł do Saalbachu kaj majó jedyn z nejwiynkszych bike parków w Europie. Wywióz żech se lanowkóm a po grzebiyniu żech zajechoł do Hinterglemu, wyjechoł eszce roz lanowkóna przeciwległy grzebiyń a użył se fantastyczny zjazd.

No a naostatni kolarski dziyń żech se niechoł trzeszniczke – wyjazd na horaku na Hundstein. Było to asi  40 km a przewyszynio 1440 m. Na wrchu na chacie zech se doł knedel supp a piweczko. Potym super zjazd po alpejskich łónkach ku Zell am See. Dalszy dziyń uż inóm turnajek w tenisie a podróż do Finale Ligure, kaj my spędzili fajny tydziyń przi morzu.

Web © 2004 -2024 MM Sound & Global Net